Dəb

Serenay Sarıkaya paltarı ilə gülüş hədəfi oldu – FOTO

28 Aprel 2018 14:38

Serenay Sarıkayanın 6 min 400 TL-lik (təxminən 3200 manat) ayaqqabıları bəyənilməyib.

Publika.az “Hurriyet”ə istinadən xəbər verir ki, dünən Türkiyənin tanınmış modelyeri Hakan Yıldırımın "Hakaan Yıldırım Haute Kutür" adlı dəfiləsi baş tutub.

Dəb nümayişində Serenay Sarıkaya, Gülşən-Ozan Çolakoğlu, Tuba Ünsal, Nil Karaibrahimgil, Ezgi Mola, Sədəf Ovçu, Kıvanç Kasabalı, Hande Ataizi, Ahu Yağtu, Dəniz Marşan, Başak Dizer, Ece Sükan kimi kino və musiqi dünyasının tanınmış simaları iştirak edib.

Serenay Sarıkaya gecədə önü xırda bantlı paltar və “Dior” moda evindən çəkmə geyinib. Sarıkayanın dəyəri 6 min 400 TL (təxminən 3200 manat) olan ayaqqabıları bəyənilməyib.

Geyinməyi sevdiyini deyən aktrisa etiraf edib ki, paltarları endirimlərdə almağa üstünlük verir:

"Endirimlərsiz necə yaşayarıq? Çalışıram ki, paltarlarımı endirimlərdə alım. Ayaqqabı və çanta böyük rol oynayır, ən çox onlara pul xərcləyirəm. Ümumiyyətlə, dəbi izləməyi və özüməməxsus tərz yaratmağı sevirəm".