Dəb

Rihannanın alt paltarı brendinin dəfiləsində erotik ŞOU - FOTO

13 Sentyabr 2018 23:00

Rihanna istənilən bədən ölçülərinə malik qadınlar üçün seksual alt paltarı kolleksiyasını təqdim edib.

Publika.az xəbər verir ki, artıq Nyu-York Moda həftəsi başa çatıb. Dünya şöhrətli müğənni Rihanna “Savage x Fenty” adlı alta paltarı kolleksiyası ilə moda həftəsinə yekun vurub. Nümayişin əsas ulduzları - Bella və Cici Hadid bacılarının performası əsl şou olub.

Bruklində dəniz tersanesinin binasında tikilən süni meşədəki yamyaşıl podiumda çıxan modellər əl-ələ tutaraq donmuş vəziyyət alıb.

Rihanna alt paltarı markasının yaradılmasında böyük bədən ölçülü xanımları xüsusi nəzərə alıb. Brendin əsas konsepsiyası da bundan ibarətdir, hər bir qadın gözəl və cazibədar görünmək imkanına malik olmalıdır. Dəfilədə 50 yeni model nümayiş olunub. Onlar arasında daha rahat idman topları və seksual alt geyimləri də olub.

“Bütün dünyada qadınların rahat və seksual alt paltarlar geyinmək imkanı olmalıdır. Mənim əsas missiyam da bundan ibarətdir. Düşünürəm ki, bu gün axşam tamaşaçılar bu enerjini hiss edə bildi. İstəyirdim ki, qonaqlar bütün qadınların və onların bədənlərinin müxtəlif olduğunu hiss etsin. Qadınlığın müxtəlif cəhətlərini göstərməyə çalışdıq. “Savage” (vəhşi) sözü özü çox şey deyir. Bu söz mərdliyi və qorxmazlığı ifadə edir. Və bu gün podiuma çıxan bütün qadınlar cəsarətli olduqlarını göstərdirlər. Hər birimizin içində vəhşi qadın oturub. Fərqi yoxdur ki, siz onu tapmısınız, ya yox” , - deyə finalda çıxış edən Rihanna bildirib.