Dəb

Dünya ulduzları “Emmi” gecəsində ziyafət libasları ilə göz qamaşdırdı - FOTO

18 Sentyabr 2018 09:56

Sentyabrın 17-dən 18-nə keçən gecə Los-Ancelesdə, Mikrosoft Teatrında "Oskar" (kino sahəsində) "Qremmi" (musiqi sahəsində) və "Toni" (teatr sahəsində) mükafatlarının televiziya ekvivalenti hesab edilən, sayca 70-ci “Emmi 2018” televiziya mükafatlarının təntənəli təqdimetmə mərasimi keçirilib. Əlbəttə ki, belə böyük tədbiri bir çox məşhurlar buraxa bilməzdi.

Publika.az xarici mətbuata istinadən xəbər verir ki, tədbirdə Cessika Bil, Jastin Timberleyk, Penelopa Kruz, Haydi Klum, Skarlet Yohanson sevgilisi Kolin Jost, “Vəhşi qərb dünyası” seruialının ulduzları Evan Reyçel Vud, Tendi Nyuton, Sofi Hanter, Benediktd Kamberbetç, Mendi Mur, Riki Martin, Elimiya Klark, Sara Polsin və başqaları onlarla fotoqraflar qarşısına keçərək poza veriblər.

Gecənin qonaqları təmrəraqlı libasları və kostyumları ilə pərəstişkarlarını heyran qoya bilib. Tədbirdə xanımların daha çox bəyaz və çəhrayının müxtəlif tonlarına üstünlük verməsi diqqətdən yayınmayıb.

Qeyd edək ki, “Ən yaxşı dram serialı” kateqoriyası üzrə qalib “Taxt oyunları” serialı seçilib. Serialın aktyoru Piter Dinkleyc Tirion Lannister roluna görə “İkinci planda ən yaxşı aktyor” mükafatına layiq görülüb.

“Ən yaxşı komediya serialı” nominasiyasının qalibi “Möhtəşəm xanım Meyzel” olub. Baş rol ifaçısı Reyçel Brosnahan “Ən yaxşı komediya aktrisası”, Aleks Borşteyn “Komediya serialında ikinci planda ən yaxşı aktrisa” nominasiya üzrə mükafatlandırılıb.

Showing the love: Rachel kissed the newly awarded Emmy after her acceptance speech