Dəb

Keçən həftənin dəbli ulduzları - FOTO

8 Oktyabr 2018 12:45

Modapərəstlər üçün dünya ulduzlarının həm gündəlik obrazları, həm də ziyafət libasları maraqlıdır.

Publika.az ənənəsinə sadiq qalaraq həftənin ən yaxşı geyinən və ya ən təəccüblü dəb eksperimentlərini sınaqdan keçirən ulduzlarını seçib.

Gündəlik həyatda makiyaj etməyən rusiyalı model İrina Şeyk rahat, eyni zamanda şıq dəstlər seçərək həftənin ən dəbli xanımı seçilməyə müvəffəq olub. Boz və qalın vodolazkası göstərir ki, model payız soyuğuna tam hazırdır.

Rihanna hər zamankı kimi seksual libasları ilə pərəstişkarlarına əsl dəb şousu nümayiş etdirib.

Rihanna in snakeskin outfit

Birinci ledi Melaniya Tramp ilhamlandırıcı klassik tərzi ilə modapərəstlərə bir daha dərs keçib.

Həftənin ən çox müzakirə olunan ulduzu Meqan Markl və onun ətəyi olub. Amma bu dəfə ətəyin qısalığı deyil, rəngi və materialı ilə diqqət çəkib. Böyük Britaniya krallığının yeni gəlini maqazin və moda portallarının səhifələrini yaşıl dəri ətəyi ilə bəzəyib. İstisna deyil ki, hersoginyanın seçimi çoxları payız qarderobunda yer alacaq.