Dəb

Dakota Conson təmtəraqlı ziyafət libası ilə göz qamaşdırdı - FOTO

17 Oktyabr 2018 15:27

Aktrisa Dakota Conson təmtəraqlı ziyafət libası ilə modapərəstləri heyran edib.

Publika.az xarici mətbuata istinadən xəbər verir ki, dünən axşam Londonda baş rollarda Dakota Conson, Tilda Suinton və Mia Qotun çəkildiyi "Suspiria" filminin təqdimat mərasimi baş tutub. Baş rol qəhrəmanları qırmızı xalçaya çıxaraq fotoqraflara poza verib.

29 yaşlı Conson qalaya “Gucci” moda evindən gümüşü və bədən quruluşunu vurğulayan dar libas geyinməklə bu yaxınlarda haqqında yayılan hamiləlik xəbərlərini təkzib edib. Dakota makiyajda özünə sadiq qalaraq təbiiliyə üstünlük verib. Yeri gəlmişkən, eyni fikri aktrisanın dalğalı saçları haqqında da demək olar.

Consonun 57 yaşlı həmkarı Tilda Suinton qara kostyuma və orijinal üstü açıq ayaqqabılara üstünlük verib. O, obrazını qıpqırmızı pomada ilə tamamlayıb.

Ekran işində rola alan Miq Qot isə tədbir üçün “Givenchy”dən beli qayışlı və ya büzməli gümüşü libas seçib.