Dəb

Məşhur model geyimi ilə nəfəs kəsdi - FOTO

25 Oktyabr 2018 12:45

Məşhur model Çağla Şikel Hakan Akkayanın dəfiləsində gecənin əsas ulduzu olub.

Publika.az Türkiyə mətbuatına istinadən xəbər verir ki, dünən Hakan Akkayanın "Street" və "Glamour" adlı kolleksiyalarının dəfiləsi baş tutub.

Fransa kraliçası və XVI Lüdovikin həyat yoldaşı Mariya Antuanettadan ilham alınaraq hazırlanan kolleksiyanın nümayişi üçün müxtəlif konsepsiyalarda iki ayrı podium hazırlanıb. Hakan Akkayanın dəfiləsinin ilk hissəsində bütün modellər qara rəngdə və küçə konsepsiyasında hazırlanan podiumda yeriyib. Küçə kolleksiyasının təqdimatı bitdikdən sonra nəhəng podium hərəkət edib və küçə görüntüsünün yerini qırmızı rəngli saray dekorasiyası əvəz edib. Bu hissənin açılışını Kraliça Mariya Antuanetta obrazında Çağla Şıkel edib. O, cəlbedici obrazı ilə gecə boyu bütün diqqətləri öz üzərinə toplaya bilib.

60 modelin iştirak etdiyi tədbirdə geyimlərin 10 milyon dollarlıq ləl-cavahiratla tamamlandığı üzə çıxıb. 700 paltarın təqdim olunduğu dəfiləni izləyənlər arasında kino, musiqi və dəb dünyasının bir çox görkəmli simları olub.