• USD 1,7000 0,00% EUR 1,9020 -0,40%
    • GBP 2,1349 +0,18% RUB 0,0265 +0,38%

Yay qarderobunun romantik trendi - FOTO

  • Dəb
  • 13 İyun 2019 18:02
Yay qarderobunun romantik trendi - FOTO

Ayaqların zərifliyini vurğulayan və maksimum ön plana çıxaran yarıqlı yubkalar yayın ən romantik trendidir.

Publika.az xəbər verir ki, bütün qışı ayaqlarını kobud çəkmə və qalın cinslərdə gizlədən xanımlar romantik tendensiyanın sayəsində bu mövsüm ayaqların gözəllyini nümayiş etdirə bilər.

Ötən əsrin ortalarından etibarən ictimai əxlaq normaları daha az acımasız olmağa başladı, beləliklə dizaynerlər qapalı uzun yubkalarda yarıq açaraq onları dəbə gətirdi. Onda mini yubka inqilabına çox qalmışdı, ancaq qadınlar küləyin istənilən zərbəsi ilə açılan və dizləri göstərən yarıqlı yubka geyinmək imkanına sahib olmuşdu.

2019-un yaz-yay kolleksiyalarında bir çox dizaynerin yarıqlı yubka modelinə müraciət etməsilə onlar yenidən aktuallaşdı. Belə yubkaları ağ-qara maykalarla, qısaqol köynəklərlə, toplarla, kombinasiyasayağı ipək bluzlarla, daha sərin havalarda isə nazik trikotajlarla geyinməyi məsləhət görürük. Yüngül materialdan hazırlanan yubkaların zərifliyi və oynaqlığı sadəcə sizi deyil, ətrafdakıların da əhval-ruhiyyəsinə müsbət təsir edəcək.

Dəb mütəxəssisləri istənilən zövqə xitab edən modellər təklif edir: güllü, zolaqlı, dama-dama və xallı. Belə yubkaları getdiyiniz yerdən asılı olaraq həm idman, həm də klassik ayaqqabılarla tamamlamaq olar. Onların həm düyməli, həm də volanlı və beli kəmərli versiyaları eyni dərəcədə aktualdır.

Aytən Məftun

loading...

Xəbər lenti

DAHA ÇOX XƏBƏR