• USD 1,7000 0,00% EUR 1,9069 -0,38%
    • GBP 2,1256 -0,28% RUB 0,0270 -0,37%

Azərbaycanın ən dəbli kişisi - FOTO

  • Dəb
  • 8 İyul 2019 14:30
  • 962 Baxış
Azərbaycanın ən dəbli kişisi - FOTO

Dünyanın ən şıq kişiləri öz üslubunu tapmağı bacaran kişilərdir. Bəli, üslubuna və görünüşünə laqeyd yanaşan kişilər var. Ancaq onların əksinə olaraq qarderobunu sənətkar incəliyi ilə seçən kişilər də az deyil. İkinci qrup haqlı olaraq düşünür ki, dəblə geyinmək və özünə qulluq etmək heç də ayıb deyil. Və unutmaq olmaz ki, xırdalıqları hesablamadan, möhtəşəm obraz yarada bilmərsiniz.

Publika.az xəbər verir, eks “Dəyirman” qrupunun məşhur üzvlərindən olan, son illərdə isə “5-ci element” verilişində özünü aparıcı kimi sınayan, eyni zamanda ətir biznesi ilə məşğul olan ABD Malikin instaqramda səhifəsi bunun sübutudur. Geyimlərində klassika ilə müasirliyi və rahatlığı effektiv şəkildə birləşdirən məşhur ayaqqabılarından, bilərzik, eynək və corablarına qədər bir çox detalı instaqramda paylaşaraq çoxuna ilham verir və nümunə olur. Özünəməxsusluğunu geyim yolu ilə ifadə edən Malik müsahibələrində də etiraf edir ki, pal-paltarına çox pul xərcləyir. Hər halda buna dəyər.

Loafer ayaqqabıların birnömrəli pərəstişkarı olan aparıcı qarderobuna bu modelin demək olar ki, bütün rənglərini daxil edib desək, səhv etmərik. Cib dəsmallarına laqeyd qala bilməyən ulduz kostyumların ciblərini onlarla bəzəməyi çox xoşlayır. Ümumiyyətlə, ABD Malik istənilən aksessuar seçiminə yaradıcı ruh və sənətkar ustalığı ilə yanaşır. Bu məqamda reperin üslubunda rəngbərəng corabların, kəmərlə ayaqqabı ahəngi və şlyapaların rolunu vurğulamasaq olmaz. Sonuncu üç detal sizə əhəmiyyətsiz fakt kimi görünsə də, dəstin uğurlu alınmasa da, həlledici payları böyükdür.

Məşhur reper gözəl repləri ilə yanaşı, həm də gözəl geyinməyi bilir. Stil çox sadə, əksinə, iddialı, sürrealist, klassik ola bilər, amma sahibini güclü bir şəkildə xarakterizə etdiyi üçün görünüşdə ruhun əksini və insanın temperamenti görmək hər zaman maraqlıdır. Bu baxımdan ABD Maliki məşhurlar arasında Azərbaycanının dəbli geyinən kişi sənətçisi adlandırmaq olar. Üslubunda həm sənətçi, həm də biznes xüsusiyyətlərini ön plana çıxaran ulduz daxili xarizmatikliyini xarici görünüşündə əks etdirə bilir.

Aytən Məftun

loading...

Xəbər lenti

DAHA ÇOX XƏBƏR