Dəb
Payız-qış mövsümünün ən dəbli rənglərini qarşılayın - FOTO/VİDEO
Qarderoba növbəti qara paltarı daxil etməyə tələsməyin, onları qəhvəyi və mavinin ən açıq versiyaları ilə əvəz edin. Onlar qarderobun ənənəvi bej və qara rəngli baza geyimlərini mükəmməl şəkildə tamamlayır. Odur ki, payız alış-verişinə çıxmazdan əvvəl rənglər siyahısını əldə rəhbər tutun.
Publika.az oxucuları payız-qış mövsümünün 10 trend rəngi ilə tanış edib.
Cəlbedici yaşıl
Yetişmiş avokado, laym (yaşıl limon) və yaşıl çili bibəri kimi rənglər bu payız qarderobun əsas inqrediyenti olacaq. Odur ki, bu inqrediyenti öz “reseptinizə” daxil etməyə dəyər. Yaşılın bir çox çalarında olan kostyumlar, paltolar və bluzlar bu mövsüm xidmətinizdədir.
Qəhvəyi
Tünd qəhvəyi qaranın ən əlverişli alternatividir. Qəhvəyi notlar bir çox kolleksiyalarda qarşımıza çıxır.
Parlaq çəhrayı
Solğun çəhrayı bu payız yerini sırğagülü ləçəklərinə dəyişir. Özünüzü şənləndirmək və yayı xatırlamaq üçün, xüsusilə buludlu günlərdə bu rəngdə geyinməyi məsləhət görürük.
Kirəmit
Mövsümün simvolu adlandırıla biləcək ənənəvi payız rəngidir. Qırmızının bu çaları şərab növü kimi, yumşaqlığı və zənginliyi ilə dərhal fərqlənir. Belə axşam paltarları və kostyumlar atlaz və ya məxmər kimi parçalarda daha təsirli görünür.
Çili bibəri
Qırmızının qarşısıalınmaz cazibəsi həm gündüz, həm də gecələr eyni dərəcədə işıq və müsbət enerji yayır. Rəsmi qəbullar üçün mükəmməldir, xüsusilə diqqət mərkəzində olmaq lazımdırsa.
Narıncı alov
Enerji, istilik və sevgi dolu bir rəng, pəncərə arxasında temperatur sürətlə aşağı düşməyə başlayanda lazım olacaq. Yeni mövsümdə alovlu narıncı lələklərdə, büzmələrdə və volanlarda təcəssüm olunub. Belə bir paltarda diqqətdən kənarda qalmaq ehtimalı sıfırdır.
Göy avatar
Canlı və dinamik göy bizə Ceyms Kameronun məşhur “Avatar” filmini xatırladır. Filmi nəzərdən keçirmək və qarderoba göy kokteyl paltar əlavə etmək üçün əla bir fürsətdir.
Mavi
İntensiv göydən fərqli olaraq, bu rəng mümkün qədər rahat və zərif görünür. Yumşaq bir sviter, rahat bir jaket, geniş klassik şalvar kimi sərbəst siluetlər mavi kontekstində daha yaxşı görünür.
Lavanda
Tipik bahar rəngləri payız mövsümünün trendləri siyahısında liderlik edir. Buna yalnız sevinmək lazımdır, çünki lavanda rəngindəki trikotaj kostyumlar, ipək paltarlar ənənəvi qara və mavi fonunda xüsusilə əlverişlidir.
Tünd boz
Payız mövsümünün əsas rənglərindən birini qısaca belə təsvir edə bilərsiniz: Zəriflik, cəsarət və incəlik. Dumanlı boz, xüsusilə yun kostyumlarda, ciddi midi yubkalarda və qalın parçadan hazırlanmış paltarlar şəklində yaxşıdır. Odur ki, qarderobunuza bir qədər duman əlavə edin.
Aytən Məftun,
Video: Sevinc Xanqızı
-
Qoroskop00:34
Günün qoroskopu: axşam saatlarında pul gələcək...
-
İnanc00:01
Bu gün İlaxır çərşənbədir
-
Region18 Mart 22:55
Ərdoğan Putini təbrik etdi
-
MDB18 Mart 22:15
“Rusiya nüvə tərksilahına dair danışıqlara hazırdır” - Peskov
-
Magazin118 Mart 21:50
Renka qəza keçirdi - FOTO
-
Ekologiya18 Mart 20:15
Torpaq çərşənbəsində və Novruz bayramında hava belə olacaq - VİDEO
-
Nida Xəbər 18 Mart 19:30
Ordumuz bu ərazilərdə mövqelərini möhkəmləndirir - Zakir Həsənov
-
Səhiyyə18 Mart 18:40
Azərbaycanda dərmanlarla bağlı YENİ QAYDA