Dəb

90-cı illərin dəb ikonu 54 yaşında - FOTO

28 Oktyabr 2021 21:00

Boy-buxunu ilə bədən ölçüləri Culiya Robertsə istənilən fasonu sınaqdan keçirməyə icazə versə də, dünya şöhrətli kino ulduzu həmkarlarından fərqli olaraq sadəliyə qaçır. Boş və rahat stilin böyük pərəstişkarları arasında Culiya liderlik edir. Hətta deyərdim ki, əfsanəvi fransız dizayneri Koko Şaneldən sonra geyimdə azadlığı onun qədər təbliğ edən ikinci bir məşhur tapa bilmərsiniz.

Publika.az xəbər verir ki, “Gözəlçə” filminin təkrarolunmaz divası bu gün 54 yaşını qeyd edir. Bu rəqəmə inanmaq çətindir, çünki Roberts hələ də isti təbəssümü ilə qırmızı xalçada göz qamaşdırmağa davam edir, yeni layiqli rollarla hər kəsi sevindirir və gözəl qocalmağın da mümkün olduğunu göstərir. Doğum günü münasibəti ilə Robertsin şöhrətin zirvəsində olduğu 90-cı illərdə ən yaddaqalan obrazlarını vərəqlədik. Və məlum oldu ki, ondan həqiqətən öyrənəcəyimiz çox şey var.

Culiya Roberts heç vaxt seks simvolu olduğunu iddia etməyib. Hətta bütün kişilərin aşiq olduğu “Gözlçə” filmindəki Erin Brokoviç rolu da ifaçının imicinə təsir edə bilməyib. O, 1990-cı ildə “Polad maqnoliyalar” filmindəki böyük kişi kostyumunda oynadığı rola görə arzuladığı mükafatı aldı - bu aktrisanın bəlkə də ən məşhur obrazıdır. 90-cı illərin sonu və 2000-ci illərin əvvəllərində o, öz üslubu və dəb cərəyanları arasında ortaq maraqlar tapmağa çalışanda da qaydaları pozmaqdan qorxmurdu: çılpaq bədəninə jilet, həcmli sviter-paltar, çiçəkli sarafanlar və kobud çəkmələr geyinirdi.