Dəb

Meqanın geyimi ilə kral ailəsinə ötürdüyü şifrəli mesaj - FOTO

11 Noyabr 2021 19:12

Şahzadə Harri ilə ailə qurduğu gündən bəri moda dünyasının qarabaqara izlədiyi Meqan Markl krallıqdan ayrıldıqdan sonra da öz xarakterinə uyğun olaraq böyük gedişlər etməyə davam edir.

Publika.az xarici mətbuata istinadən xəbər verir ki, gözlənilmədən Nyu-Yorkda bir qala gecəsində iştirak edən Meqan Markl krallığın standartlarından kənara çıxaraq cəsarətli qırmızı paltarı ilə göz qamaşdırıb. Sinə və kürək dekoltesi, həmçinin yubkadakı yarıq saray protokollarına zidd olsa da, bu, onun heç vecinə deyil, cazibəsini ön plana çıxarmaqda iddialıdır. Belə görünür ki, kral ailəsinin yüksək üzvlüyündən istefa verən Meqan dəbdə itirilmiş azadlığına qovuşduğu üçün çox xoşbəxtdir.

Bir vaxtlar saraydan kifayət qədər söz-söhbətlə ayrılan Meqan bu dəfə protokola və qaydalara münasibətini bir paltarla çatdırıb, salamsız-kəlamsız. Nə deyə bilərik ki, moda həmişə doğru əllərdə güclü bir silah olub.