Dəb

Ulduzların qırmızı xalıda dəb yarışı - FOTO

6 Dekabr 2021 12:18

Dünən İstanbulda keçirilən “Altın Kelebek” mükafatlandırma mərasimi bir çox hadisələrlə yadda qalıb.

Publika.az Türkiyə mətbuatına xəbər verir ki, tədbir başlamazdan əvvəl ulduzlar qırmızı xalıda fotoqraflara pozalar verib. Kino, serial, televiziya və musiqi dünyasının ən yaxşılarının mükafatlandırıldığı gecədə zəriflik yarışı baş tutub.

Hadisə, Melis Sezen, Gökçe Bahadır, Ezgi Mola, Ahsen Eroğlu, Demet Özdemir, Raçel Araz, Ece Üner, Demet Akbağ, Melisa Şensol, Hande Subaşı və başqaları gecəboyu təmtəraqlı libasları ilə göz qamaşdırıb.

Cem Davran və Çağla Şikelin aparıcısı olduğu gecədə müxtəlif kateqoriyalar üzrə qaliblər açıqlanıb.

Merve Dizdar və Ezgi Mola “Ən yaxşı qadın aktyor”, Çağlar Ertuğrul isə “Ən yaxşı kişi aktyor”, “Camdaki kız” serialı “Ən yaxşı serial”, aparıcı Müge Anlı həm “Ən yaxşı gündüz proqramı”, həm də “Ən yaxşı qadın aparıcı” mükafatına layiq görülüb.

“TV 8” kanalının rəhbəri Acun Ilıcalı “Ən yaxşı kişi aparıcı” seçilib.

Mərasimdə “Ulduzu parlayanlar” kateqoriyası üzrə Ahsen Eroğlu, Cemre Baysel və Melis Sezen mükafat alıb.

“Ən yaxşı qadın müğənni” Hadisə, “Ən yaxşı kişi müğənni” kateqoriyası isə üzrə Edis qalib seçilib.

“Ən yaxşı romantik komediya serialı” Kerem Bürsin və Hande Erçelin rol aldığı “Sen çal kapımı” olub.