Dəb

Skarlet möhtəşəm ziyafət libasında - FOTO

7 Dekabr 2021 19:10

Dünən Vaşinqtonda Kennedi Mərkəzinin illik mükafatlandırma mərasimi keçirilib.

Publika.az xarici mətbuata istinadən xəbər verir ki, 37 yaşlı Skarlet Yohanson həyat yoldaşı Kolin Jost ilə birlikdə qırmızı xalıda fotoqraflara poza verib.

Skarlet xüsusi gecə üçün “Dolce & Gabbana” italyan markasından biserli möhtəşəm bir libas seçib. Kameraların parıltısı altında aktrisa sözün əsl mənasında dəbdəbəli geyimdə parıldayıb, belə görünür ki, Skarlet həmin axşam kölgədə qalmaq istəməyib. 4 ay əvvəl ikinci övladını dünyaya gətirən aktrisa hər kəsin diqqətini çəkməyi bacarıb.

Ulduz diqqəti parlaq libasından yayındırmamaq üçün kifayət qədər sakit tonlu makiyaj seçib: açıq dumanlı və bej pomada. Saçlarını isə sadə topuz modeli yığdırıb.