Dəb

İstənilən geyimlə uyğunlaşan ayaqqabı - FOTO

1 İyun 2022 10:02

Bosonojkalar yay mövsümünün dəyişməz dəbidir. Mağazalarda kifayət qədər müxtəlif növ bosonojkalar var: düz, heykəlvari dabanları olan, parlaq, qara və ağ və s. Bu qədər çeşidin içində seçim etmək əlbəttə ki, çətindir. Çünki hamısını almaq istəyirsən. Bununla belə, biz şüurlu alış-verişi təklif edirik. Əlbəttə ki, həm hər şeyə uyğun olan, həm də ayaqları vizual olaraq uzadan minimalist bej sandallardan yaxşısı ola bilməz.

Publika.az xəbər verir ki, qarderobunuzda bu sandalların “dostluq edə bilməyəcəyi” demək olar ki, heç nə yoxdur. Onlar qədər çoxyönlü ayaqqabı təsəvvür etmək çətindir. Bu model isti havalarda loaferlərin əla əvəzedicisi olacaq: hündürbel cinslər, klassik şalvarlar, sarafanlar uzunluğundan asılı olmayaraq istənilən yubka ilə çox yaxşı uzlaşırlar.

Ayaqları uzun göstərən vizual effektin qüsursuz işləməsi üçün mümkün qədər dəri rənginizə yaxın olan ayaqqabıları seçin ki, onları uzaqdan ayaqda ayırd etmək belə çətin olsun. Daha bir nüans daban olacaq: onu seçərkən rahatlığınıza diqqət yetirmək daha yaxşıdır. Əgər siz Viktoriya Bekhem kimi ən nazik stilettolarda sakitcə, yorğunluq hiss etmədən hərəkət edirsinizsə, dikdaban ayaqqabılara nəzər salın. Rahatlığı daha çox qiymətləndirənlər alçaq və sabit dabanlı bosonojkaları bəyənəcəklər.