Dəb

Serial ulduzunun yay stili yenidən dəbdə - FOTO

27 İyul 2022 05:45

Amerikanın məşhur “Sex and the City” serialında Kerrinin cənab Biq ilə görüşündə suya düşməsi epizodunu xatırlayırsınız? Bəs Bredşounun model olaraq podiuma dəvət edildiyi anı? Bu iki seriyada tamaşaçı qarşısına güllü donlarda çıxan Kerrinin romantik stili qısa müddətdə trend olmuşdu. Ümumiyyətlə, sözügedən serial bir çox dəb tendensiyalarının gündəmə gəlməsinə səbəb olub.

Publika.az xəbər verir ki, iri güllü paltarları həm lüks brendlərin, həm də hər kəs üçün əlçatan olan mass-market brendlərinin kolleksiyalarından asanlıqla tapmaq olar.

Artıq uzun illərdir ki, irinaxışlı güllü paltarlar yaz-yay aylarının dəyişməz trendi olaraq qalır. Bu il paltarlarda xüsusilə böyük nümunələr “çiçək açıb”. Bütün payız və qış aylarının qara və boz rəngdə geyinməkdən, ya ağır palto və kobud dəri kurtkalarından bezmisinizsə, gül naxışı tendensiyası obrazınıza əsl yay əhval-ruhiyyəsi gətirəcək. Və bu romantik əhval-ruhiyyə yayın sonuna qədər sizi tərk etməyəcək.