Dəb

İspan gözəli dəbdəbəli ziyafət libaslarında – FOTO

5 Sentyabr 2022 11:47

79-cu Venesiya Film Festivalında ən yaddaqalan çıxışlardan biri aktrisa Penelopa Kruza aiddir.

Publika.az xarici mətbuata istinadla xəbər verir ki, 4 sentyabr Venesiyada keçirilən festivalda Penelopa Kruz və “Chanel” günü olub. Aktrisa kinofestivala rol aldığı “Sərhədsizlik” filmi ilə qatılıb və bütün gününü Lido adasının sahilində dramın promo kampaniyasına həsr edib.

Kinoulduz ekran əsərinin təqdimatı şərəfinə keçirilən mətbuat konfransında gurultulu alqışlarla qarşılanıb. “Chanel” moda evinin səfiri olan ispan gözəli gündüz çıxışı üçün brendin 2023-cü il kruiz kolleksiyasından şifon və uzun bir paltar seçib.

Premyera üçün isə Penolopa daha təsirli paltara üstünlük verib. Sahildəki Kino Sarayının qarşısındakı qırmızı xalı keçidinə o, “Chanel”in payız-qış kutyur kolleksiyasından uzun qollu krujeva paltarda gəlib. Çəhrayı yarpaq motivli bu libası nadir əsər adlandırmaq olar. Venesiyada hava isti olsa da, tikmələr bizə payızın qapıda olduğunu xatırladıb və heyran edib.