Dəb

Ailəsinə qarşı çıxan şahzadəyə və xanımına mükafat verildi - Foto

8 Dekabr 2022 14:30

Şahzadə Harri ilə xanımı Meqan Markl Britaniya kral ailəsində irqçiliyə qarşı olduqları üçün mükafat alıblar.

Publika.az xarici mediaya istinadən xəbər verir ki, Şahzadə Harri və Meqan Markl nadir hallarda ictimaiyyət qarşısına çıxırlar, lakin ötən gün cütlük Nyu-Yorkda keçirilən mərasimdə görünüblər. Onlar Robert Kennedi Fondunun İnsan mükafatına layiq görülüb. Vurğulanıb ki, mükafat "Britaniya kral ailəsində struktur irqçiliyə qarşı qəhrəmancasına mövqeyə görə" təqdim edilib.

Cütlük tədbir üçün Hollivud ənənəsinə əsasən dəbdəbəli obrazlar seçib. Meqan Markle "Louis Vuitton" imzalı ağ rəngli, çiyinləri açıq, təsiredici yarıqlı paltarda görünüb. O, görünüşünü laklı və itiburunlu qara dikdabanlar, atlaz klatç və brilyant sırğalarla tamamlayıb. Harri isə klassik mürəkkəb rəngli kostyum, ağ köynək və qalstuk seçib.

Şahzadə Harri çıxışında qeyd edib ki, fikir liderisinizsə və ya təsiriniz varsa, hekayələrinizi danışmalı və insanları ilhamlandırmalısınız.