Dəb

53 yaşlı Cennifer Lopez geyimi ilə göz qamaşdırdı - FOTO

6 Fevral 2023 20:40

Xəbər verdiyimiz kimi, dünən dünya ulduzları Qremmi mükafatlandırma mərasimi ilə bağlı Los-Ancelesdə toplaşıb.

Publika.az xəbər verir ki, qonaqlar arasında 53 yaşlı müğənni və aktrisa Cennifer Lopezlə aktyor həyat yoldaşı Ben Afflekk də olub. Gecə üçün "Gucci"dən tünd göy ziyafət libası seçən ulduz obrazını "Bvlgari" zərgərlik markasının zinət əşyaları ilə tamamlayıb. Dərin yarıqlı libası ilə kamera qarşısına keçən Ceylo fotoqraflara gözqamaşdırıcı pozalar verib. 53 yaşı olmasına baxmayaraq, ideal formalarını qoruyan sənətçiyə sadəcə həsəd aparmaq olar. Yeri gəlmişkən, onun obrazı üzərində stilist Rob Zangardi ilə Mariel Haenn çalışıb.

Cennifer gözəlliyi ilə bir çoxlarını kölgədə qoysa da, Ben Afflekin yorğun siması diqqətdən qaçmayıb. Sosial mediada yayılan fotolardan izləyicilər onun tədbirdə darıxdığını qeyd ediblər.