Dəb

Şahzadənin xanımı gecədə göz qamaşdırdı - FOTO

20 Fevral 2023 12:00

Fevralın 19-da Londonda ənənəvi BAFTA-2023 mükafatlandırma mərasimi keçirilib.

Publika.az xarici mətbuata istinadən xəbər verir ki, tədbir "Royal Festival Hall"da baş tutub. Bir çox məşhurun iştirak etdiyi gecənin əsas ulduzları isə Şahzadə Uilyamla xanımı Keyt Middlton olub.

Keyt və Uilyam demək olar ki, bütün qonaqlar artıq gələndən sonra qırmızı xalçaya çıxıblar və dərhal hər kəsin diqqətini çəkiblər. Uels şahzadəsinin xanımı gecə üçün "Alexander McQueen" imzalı asimmetrik ağ libas seçib və bu seçimi ilə hər kəsi özünə heyran qoya bilib. Yeri gəlmişkən, bu ingilis markası Keytin mütləq sevimlisidir. O, ictimai tədbirlərdə müntəzəm olaraq bu moda evinin paltarlarında görünür.

Bu dəfə Middleton görünüşü ən dəbli aksesuarlardan biri - qara opera əlcəkləri ilə tamamlayıb.

Yeri gəlmişkən, aksessuarlar da xüsusi diqqətə layiqdir. Keyt mərasiminə qiyməti 20 dolləlar olan "Zara" markasının sırğalarını taxmağa qərar verib.