Dəb

Kraliça bahar stili ilə diqqət mərkəzində - FOTO

17 Mart 2023 14:32

İspaniya Kraliçası Letisiya sədrlik etdiyi sağlamlıq konfransına 435 dollarlıq uzun paltarda gəlib.

Publika.az xarici mətbuata istinadən xəbər verir ki, o, dünən La Korunada keçirilən Beynəlxalq Nadir Xəstəliklər Günü ilə bağlı tədbirdə iştirak edib. Geyimləri ilə tez-tez gündəmə gələn kraliça bu dəfə çəhrayı ansambl geyinərək parlaq rənglərə olan sevgisini nümayiş etdirib.

50 yaşı olmasına baxmayaraq, heç vaxt cəsarətli tonlardan çəkinməyən kraliça, "Roberto Verino"dan olan düyməli əlbisəsini zoğalı və arxası açıq stilettorlarla tamamlayaraq, mükəmməl balans yaradıb.

Sadə saç düzümünə üstünlük verən kral xanımı makiyajda da eyni qaydaya əməl edib. Kraliça yumşaq şaftalı tonlarında edilən makiyajla dərisini vurğulamağa çalışıb.

Aytən Məftun