Dəb

Kraliça yaşıl geyimi ilə diqqət mərkəzində - FOTO

9 May 2023 17:06

Hələ fevral ayında xəbər vermişdik ki, laym yaşılı yaz-yay mövsümünün trend rənglərindən biri olacaq. Gözlənildiyi kimi də oldu. Bir çox dünya ulduzu, tanınmış ictimai xadimlər və digərləri bu xoş rəngi böyük məmnuniyyətlə qarderoblarına dərhal əlavə etdilər.

Publika.az xəbər verir ki, bu yaxınlarda bunun bariz nümunəsini İspaniya kraliçası Letiziyanın timsalında görə bildik. Yaratdığı hər bir obrazı ilə xanımlara ilham verən kraliça bu dəfə də ənənəsinə sadiq qaldı. Kral Çarlzın tacqoyma mərasimindən əvvəl qonaqlar üçün təşkil olunmuş tədbirə qatılan kraliçanın ziyafət geyimi xüsusilə diqqət cəlb edib. O, Britaniya dəbinə hörmət əlaməti olaraq “Victoria Beckham”ın məşhur libasını seçib. Paltarın özü olduqca sadə olsa da, rəng sayəsində çox təsirli görünür. O, obrazını sapfir və brilyant qaşlı sırğa və bilərziklə, həmçinin bantik şəklində yaxa sancağı ilə tamamlayıb. Paltarın satış qiyməti isə 1000 avrodur.

Lakin gözəl əlbisəni ilk və son geyinən kraliça Letiziya olmayıb. Sözügedən geyimi Paris moda həftəsi çərçivəsində “Viktoriya Bekhem”in dəfiləsində ilk dəfə model Bella Hadidin podiumda nümayiş etdirmişdi. Daha sonra paltarı Viktoriyanın öz əynində gördük. Növbəti alıcı model Kendal Jenner oldu. O da tədbirlərin birində çıxışı üçün məhz bu geyimi seçmişdi. Paltarın son alıcılarından biri də türkiyəli aparıcı Burcu Əsmərsoy olub.