Dəb

Xeyriyyə gecəsində ulduzların moda yarışı - FOTO

26 May 2023 17:38

amfAR Qala Şam yeməyi həmişə Kann Film Festivalının ən yüksək səviyyəli premyeraları kimi səbirsizliklə gözlənilir. Xeyriyyəçiliyə həsr olunan gecədə tamamilə fərqli sferaların əsas ulduzları toplaşır. Həm müğənnilər, həm milyonlarla abunəçisi olan blogerlər, həm də kino ulduzları dünyanı az da olsa gözəlləşdirmək üçün bir araya gəlirlər.

Publika.az xarici mətbuata istinadən xəbər verir ki, tədbirin məqsədi QİÇS-lə mübarizə aparan təşkilatlara kömək etməkdir. Son 29 ildir ki, amfAR Kann Film Festivalında qeyri-rəsmi olaraq "Kino QİÇS-ə qarşı” adlı xeyriyyə gecəsi keçirir. Tədbir təkcə ulduzların təmtəraqlı çıxışlar ilə deyil, həm də innovativ QİÇS tədqiqatları üçün vəsait toplaması ilə əlamətdar olur. Fond bu illər ərzində 100 milyon dollardan çox vəsait toplamağa müvəffəq olub.

Dünən keçirilən qala gecəsi yenə qonaqlı-qaralı olub. Biz artıq festivalın müxtəlif günlərində qonaqların əksəriyyətini qırmızı xalçada görmüşük. Lakin deməliyəm ki, onların əksəriyyəti ən gözəl libaslarını məhz qala gecəsi üçün saxlayıblar.

Bu dəfə qara mavi xalçanın ən populyar rəngidir. "Devid Koma" imzalı libas geyinən Stella Maksvelldən, "Givenchy"dən geyinən Nataşa Polidən tutmuş, "Ashi Studio"dan geyinən aktrisa Yeva Lonqoriyaya və bir çox başqa ulduzlara qədər bir çoxu qara rəngə üstünlük veriblər.