Dəb
Yayda əlvan rəngləri necə kombin etməli? - FOTOLAR
![](https://publika.az/storage/2023/06/02/dfedc34411b8fae19489d602d104ff86_ce_1500x833x0x0_cropped_1200x628.jpg?v1722037707)
Paltar seçimi edərkən rənglərin bir-biri ilə uyğunlaşmasına diqqət edilməlidir. Qış aylarında daha tünd çalarlar aktual olsa da, yayda rəng ahəngi fərqli işləyir. Bəs hansı yay rəngləri bir-biri ilə daha yaxşı uzlaşır və bizə dəbli obrazlar yaratmağa kömək edir?
Publika.az oxucuları 5 əsas qayda ilə tanış edir:
Çəhrayı ilə narıncı
80-ci illərdə tarixin ən yaxşı koloristlərindən biri - İv Sen Loranın modaya gətirdiyi xrestomatiya uyğunluğundan
bu gün bir çox dünya şöhrətli moda evlərinin dizaynerləri bəhrələnir. Əhəmiyyətli bir qaydanı yadda saxlamalısınız ki, obrazda bir çalar nə qədər parlaq olarsa, ikincisi də parlaq olmalıdır.
Yaşıl və bənövşəyi
Yaşılla bənövşəyinin isə demək olar ki, istənilən çaları bir-birini ideal şəkildə tamamlayır. Qeyd etməliyik ki, yaşılın soyuq çalarları, məsələn, zəngin zümrüd yaşılı ilə bənövşəyi birlikdə daha effektli görünür.
Çəhrayı ilə yaşıl
Bu kombin son bir neçə ildə stilistlər və fəşn blogerlərin sayəsində xüsusilə məşhur ola bilib. Hər iki rəngin çalarlarının müxtəlif birləşmələri var. Məsələn, pastel çəhrayı ilə neon yaşıl və ya parlaq çəhrayı ilə zərif yaşıl. Hər halda onlar bir-birlərini mükəmməl şəkildə balanslaşdırırlar, xüsusən də qeyd olunan rənglərdən biri yalnız aksesuarlarda istifadə olunubsa.
Çəhrayının müxtəlif çalarları
Qarderobunuza parlaqlıq əlavə etmək istəyirsinizsə, eyni zamanda risk almaq və uzun müddət kombin variantları haqqında düşünməyə vaxtınız yoxdursa, onda sizə bir parlaq rəngin müxtəlif çalarlarının birləşməsinə diqqət yetirməyi məsləhət görürük. Məsələn, çəhrayı. Solğun çəhrayının parlaq versiyası ilə birləşməsi yuxarıdakılardan heç də az təsirli görünməyəcək. Yeri gəlmişkən, barbi obrazı bu il heç vaxt olmadığı qədər dəbdədir.
Çəhrayı ilə bənövşəyi
Yalnız ziddiyyətli çalarlar bir-biri ilə mükəmməl birləşmir, həm də yaxın tonları birləşdirməklə gözəl bir yay obrazı yarada bilərsiniz. Məsələn, bənövşəyi və çəhrayı. Bu xüsusilə pastel rənglər üçün doğrudur, lakin daha parlaq rənglər də uyğundur.
![Publika.az](https://publika.az/assets/main/image/logo-nav.png)
-
İdman03:19
Ailəsi ilə istirahət edir: məkanı gizli saxlayır - FOTOLAR
-
Sağlamlıq02:18
Bu tərəvəz kişiləri prostat xərçəngindən qoruyur - Uroloqdan tövsiyə
-
Magazin101:48
Ebru Gündeşdən boşanma iddialarına CAVAB - FOTO
-
İdman01:20
Məşq edərkən maşın vurdu: Paris-2024-ü buraxacaq
-
Qoroskop00:42
Günün qoroskopu: gəlirləriniz arta bilər
-
Nida Xəbər 00:27
Sərdar Cəlaloğlu namizədliyini geri götürdü - Səbəbini belə izah etdi
-
Magazin100:12
"Ərim deyir ki, üçüncü uşaq olmasa, səni boşayacam" - Sevda Yahyayeva
-
İdman26 İyul 22:00
Azərbaycan nümayəndə heyəti paraddan keçdi - VİDEO