Dəb

Keyt Middlton vəliəhdin toyunda ilhamverici obrazda - FOTO

2 İyun 2023 18:10

Xəbər verdiyimiz kimi, iyunun 1-də İordaniyada 2023-cü ilin ən gözlənilən hadisəsi - gələcək kralın toyu baş tutub.

Publika.az xarici mətbuata istinadən xəbər verir ki, İordaniyanın vəliəhd şahzadəsi Hüseyn və Rəcva Əl Səifin toyunu təbrik etməyə gələnlər arasında Kral Villem-Aleksandr, Kraliça Maksima və Şahzadə Katarina-Amaliya, Danimarka Vəliəhdi Frederik və Vəliəhd Şahzadə Meri, eləcə də kral sülalələrinin bir çox digər nümayəndələri iştirak ediblər. Əlbəttə ki, gəlinlə bəyi təbrik etməyə gələnlər arasında Uels şahzadələri də olub.

Təxminən 140 qonağın iştirak etdiyi nikah mərasiminə Keyt Middlton "Elie Saab"dan yerə qədər uzanan işləməli bir çəhrayı libas seçməklə müsəlman mərasiminə uyğun görünməyə çalışıb. O, ilhamverici obrazı ilə bütün diqqətləri öz üzərinə çəkib. Uzun saçlarını yüngül dalğalı buruqlar etdirən Keyt geyimini həcmli sırğalarla tamamlayıb.

Nikah mərasimindən sonra Keyt Şahzadə Uilyamla birlikdə axşamkı toy ziyafətinə də qatılıb. Toy mərasimi iki bütöv hissə ilə davam edib: sarayda 1700 qonaq üçün ziyafət və kral sülalələrinin üzvləri və dövlət başçıları üçün toy ziyafəti. Axşam çıxışı üçün Keyt sevimli dizaynerlərindən biri olan "Jenny Packham" imzalı çəhrayı rəngli biserli paltar seçib. O, obrazını mərhum qayınanası, Uels şahzadəsi Diananın tez-tez taxdığı “Lover's Knot” brilyant və mirvari tacı, həm də fəxri kral nişanları və ordenləri, o cümlədən GCVO Kral Viktoriya Ordeninin ulduzu və mavi kəmər tamamlayıb.