Dəb

Türkiyəli ulduzlar yenə göz qamaşdırdı - Qırmızı xalı üzərində FOTOLAR

14 İyun 2023 16:20

Dünən Türkiyədə "Elle" jurnalının təşkilatçılığı ilə "ELLE Style Awards 2023" mükafatlarının təqdimolunma mərasimi keçirilib.

Publika.az Türkiyə mediasına istinadən xəbər verir ki, gecədə Beren Saat, Kənan Doğulu, Serenay Sarıkaya, Eda Ece, Afra Saraçoğlu, Mabel Martiz, Pelin Karahan, Danla Bilic, Nəsrin Cavadzadə, Aybüke Pusat və başqaları iştirak edib. Mükafatlar təqim olunmazdan əvvəl ulduzların qırmızı xalı üzərində keçidi baş tutub.

Tədbirə xüsusi hazırlaşıb gələn müğənnilər, aktyorlar və blogerlər fotoqraflar qarşısına keçərək poza verib.

Aktrisa Serenay Sarıkaya ilə Beren Saat və Aybüke Pusat isə mərasimin ən çox diqqət toplayan ulduzları olub. Belə ki, tədbirə smokinqdə gələn Serenayın pencəyinin altından heç nə geyinməyib. Eyni zamanda pencək bədəninə elə yapışdırılıb ki, ona narahatlıq yaratmasın.

Beren isə dərin sinə dekolteli gümüşü tor libası ilə bütün gecə boyu sözün əsl mənasında göz qamaşdırıb. Saçlarını toppuz toplayan aktrisa obrazını sadə aksessuarlarla tamamlayıb.

Mərasimə bu ilin trendi olan çəhrayı kostyumda gələn Aybüke Pusat da həmkarlarından geri qalmayıb. Ulduz tül büstqalteri ilə diqqətləri öz üzərinə çəkməyi bacarıb.

"Yenidən Birlikdə" şüarı ilə 9-cu dəfə keçirilən mərasimdə 22 fərqli kateqoriyada mükafatlar təqdim edilib.

Qaliblərin tam siyahısı:

Rənglərinizi göstərin xüsusi mükafatı: Mabel Matiz

İlin Aktiv vətəndaşlığı mükafatı: Mert Fırat

"Lifetime Global Achievement" - Ömür Boyu Qlobal Nailiyyət Mükafatı: Mariya Qraziya Küri

İlin dəbli musiqiçisi: Melike Şahin

İlin dəbli iş adamı: Begüm Kıroğlu

İlin dəbli sənət adamı: Melisa Tapan

İlin dəbli aktyoru: Səlahəddin Paşalı

İlin dəbli aktrisası: Serenay Sarıkaya

İlin televiziya ulduzu: Afra Saraçoğlu

İlin Modeli: Betül Ekşi