"Al da yaraşır, şal da" deməyin: Dəb olmasa da, yaraşan olsun - FOTO MƏSLƏHƏT

Gələcək illər ərzində geyinəcəyiniz əşyalardan maksimum yararlanmaq yaxşıdır. Və bu, təkcə əbədi klassikaların ani tendensiyalardan üstünlüyünü diktə edən davamlı inkişaf nöqteyi-nəzərindən deyil, həm də praktiklik nöqteyi-nəzərindən də belədir. Əgər o məhsul növbəti illərdə öz aktuallığını itirmirsə, niyə də ona pul verməyək? Yaz-yay kolleksiyalarının hazırda mağazalarda endirimə düşdüyü bir vaxtda müxtəlif paltarlara diqqət yetirməyi təklif edirik. Siz onlar arasında heç vaxt dəbdən düşməyən bir neçə don ala bilərsiniz. Bəs alış-verişin həqiqətən sərfəli olması üçün hansı modellərə diqqət yetirməliyik?

Publika.az oxucuları uzun müddət geyinə biləcəyi modellərlə tanış edir.

İlk növbədə paltarın sizə yaraşması üçün sadə kəsim və klassik üslublara diqqət yetirməlisiniz. Qarderobunuza daha yaxşı uyğunlaşan rahat paltarlara nəzər salın. Rahat trikotajlar geyinməyə öyrəşmisinizsə, midi və maksi uzunluq sizin üçün əlverişli olacaq. Onlar eyni zamanda zərif və rahat görünürlər, gündəlik üçün mükəmməldir.

Bütün zamanların başqa bir klassikası atlaz paltarlardır. Onlar heç vaxt dəbdən düşmürlər, həm ziyafətlər, həm də romantik görüşlər üçün idealdırlar. Paltarın üst hissəsi asimmetrik, korsetli və qayışlı ola bilər, sizə hansı rahatdırsa, onu da seçin. Rəng sxeminə gəlincə, neytral rənglərə sadiq qalmağı məsləhət görərdik. Al-əlvan çalarlar risklidir, onlar daxil olduqları kimi, tez dəbdən düşə bilər.