Barbi stili yenidən trenddə - FOTO

Yay qarderobu, xüsusilə donlar heç vaxt çox olmur. Dar mini paltarlar, sərbəst kəsimli kətan sarafanlar, minimalist maksi, hətta cəsarətli dekolte modellər müxtəlif hallar üçün lazımlı olacaq. Bu yay hər bir qızın həm də çəhrayı donu olmalıdır. Və bu, təkcə “Barbie” filminin yaxınlarda baş tutacaq premyerası və onun ərəfəsində populyarlıq qazanmış barbikor üslubu ilə əlaqəli deyil.

Publika.az xəbər verir ki, çəhrayı libaslar mövsümün trendləri arasına daxil olaraq lider mövqe tutub.

Dizaynerlər hər il yaz-yay kolleksiyalarında çəhrayı rəngdən istifadə edirlər və biz onları mükəmməl başa düşürük. Çəhrayı və onun müxtəlif çalarları istisnasız olaraq hər rənglə uyğun gəlir və romantik bir görünüş yaratmağa kömək edir. Əgər siz də çəhrayı bir geyim axtarırsınızsa, bəzi qaydalara diqqət etməlisiniz.

Hər şeydən öncə üslubdan başlayın. Burada iki faktora diqqət yetirməyə dəyər: bu paltarı harada geyinəcəksiniz və seçimləriniz. Hər gün üçün mini və ya midi uzunluğunda sadə kəsimli, pambıq və kətan sarafanlar əladır. Onlar yayın istisinə daha rahat dözməyə imkan verəcək, eyni zamanda zərif və əlverişli görünəcəklər. İncə qayışlı və ya asimmetrik üstü olan modellərə nəzər salın, onlar bu yay trenddədirlər. Büstqalterli paltarlar daha az populyar deyil: onları əminliklə romantik görüşə və ya ziyafətlərə geyinə bilərsiniz. Onu gündəlik bir paltara çevirmək istəyirsinizsə, dekolte dərəcəsini azaltmaq üçün üzərinizə bir köynək atın. Trikotaj versiyaları unutmayın, həm bədəni gözəl vurğulayacaq, həm də hər zaman olduğu kimi, özünüzü daha rahat hiss edəcəksiniz. Sözsüz ki, bu rahatlıq parçanın xüsusiyyətləri sayəsində əldə olunacaq. Tonlara gəldikdə - burada seçim tamamilə sizə bağlıdır. Əgər siz artıq qaralmısınızsa və ya sadəcə tətilə gedirsinizsə, çəhrayı rəngin zərif çalarlarında olan paltarlara daha yaxından nəzər salmağı məsləhət görürük, onlar qaralmış dərini çox gözəl vurğulayacaq. Bununla belə, əlvan çəhrayaya laqeyd qalmamalısınız.

Həm lüks, həm də mass-market bazarlarda asanlıqla tapa biləcəyiniz möhtəşəm seçimlər sizi gözləyir...