Obrazı "bahalı" göstərən 5 payız trendi - FOTO

"Sakit lüks" və "old money" estetikasının populyarlığından sonra hər kəs "bahalı" qarderob yığmağa çalışır. Eyni zamanda bu, böyük xərc çəkilmədən də edilə bilər. Əsas odur ki, nə almalı olduğunu biləsiniz.

Publika.az oxucuları qarşıdan gələn payız-qış mövsümünün 5 əsas trendi ilə tanış edib.

Nisbətən geniş çiyinli pencəklər

Geniş çiyinli geyimlər payız-qış mövsümünün əsas tendensiyalarından biridir. Çiyinlikli gödəkçələr, paltarlar, bluzlar, hətta paltolar da görüntünü daha möhtəşəm və "bahalı" edə bilər. Bundan əlavə, çiyinlərdəki əlavə həcm vizual olaraq silueti daha incə edir. Bir sözlə, "olmazsa olmaz" kateqoriyasına aiddir.

Kəskin xətləri olan çantalar

Formasını qutu kimi saxlayan çanta qiymətindən asılı olmayaraq həmişə statusu vurğulayır. Bu, tutumlu "portfel", böyük ölçülü klatç və ya yalnız əsas əşyalara uyğun gələn kiçik çanta ola bilər. Böyük loqolardan və dekorasiyalardan qaçmağa çalışın, unutmayın: "anonim" çantalar həmişə "daha bahalı" görünür.

Uzun plaş və paltolar

Uzun plaş və klassik kəsimli paltolar "old mohey" üslubunun əvəzedilməz elementidir və bu, həmişə görünüşü vizual olaraq "bahalı" edir. Digər üstünlüyü odur ki, maksimum uzunluq universaldır, çünki o, altındakı hər şeyi tamamilə gizlədir, həmçinin xüsusilə dikdaban ayaqqabılarla birləşdirildikdə silueti vizual olaraq boyu uzadır.

İti burunlu kəmərli ayaqqabılar

Kəskin uclar istənilən görünüşə zəriflik qatacaq ədəbi bir klassikadır. Nəcib rənglərin modellərini seçin - albalı, şokolad və ya klassik qara. Belə bir model istənilən obrazla uyğun gələcək, onu daha möhtəşəm və daha bahalı göstərəcək. Əgər kiçik daban modeli seçsəniz, bu ayaqqabılarda həm uzun müddət, həm də rahatlıqla gəzə biləcəksiniz.

Monoxrom

"Bahalı" bir qarderob yaradarkən, biz çox vaxt dolğun rənglərdən qorxuruq, onlar tam əks effekt verə bilər. Ancaq monoxrom texnikası həmişə "bahalı" və zərif görünür. Qara, ağ və boz kimi əsas rəngləri geyinə bilərsiniz, lakin bu mövsüm sizə daha maraqlı çalarlara baxmağı məsləhət görürük.