Dəb

Dəri gödəkçələr payızın əsas trendi olacaq - FOTO

1 Sentyabr 2023 17:36

Kopenhagen Moda Həftəsi keçən həftə başa çatdı. Bir neçə gün ərzində Danimarka paytaxtının küçələri fəşn bloger və influenserlərlə dolub daşdı. Onların obrazları podiumlardakı kolleksiyalardan heç də geri qalmırdı. Eyni zamanda Skandinaviya modapərəstlərinin seçimi həmişə çox praktik və nümunəvidir. Danimarka gözəlləri xüsusilə dəri gödəkçələri çox sevirlər.

Publika.az xəbər verir ki, payızın əsas trendlərindən biri də dəri kurtkalardır. Məlumdur ki, sentyabr aylarında üst geyimsiz küçəyə çıxmaq çətin olacaq. Dəri kurtlar isə ən ideal seçimdir. Bu, klassik bayker gödəkçəsi (motosikletçi kurtkası), əyninizə kip oturan nazik bir model, bomber gödəkçə və ya böyük ölçülü gödəkçə ola bilər - seçim sizin ixtiyarınızdadır. Əsas odur ki, onu düzgün uzlaşdıra biləsiniz.

Dəri kurtka obrazlarını iki geniş kateqoriyaya bölmək olar. Birincisi, daha sadə və konkretdir. Bunun üçün kurtkanı onun tərzində olan geyimlərlə birləşdirmək lazımdır. Məsələn, cins ilə. Qısa modellərlə yüksək belli şalvarlar xüsusilə gözəl görünəcək, belə bir kombin ayaqları vizual olaraq uzadacaq və siluetin nisbətlərini gözəl vurğulayacaq.

Cins və ya trikotajdan tikilmiş boş şalvarı, eləcə də sadə paltar və ətəkləri dəri gödəkçələrlə birləşdirmək də asandır. Belə bir kombini tamamlamaq üçün istənilən idman ayaqqabısı və ya dəri çəkmələri kifayət edəcək. Beləliklə sadə, lakin dəbli payız obrazınız hazırdır.

Dəbli eksperimentləri sevənlərə başqa bir yol təklif edirik. Uyğun olmayan geyimləri, məsələn, krujevalı libası və ya büzməli ətəyi dəri kurtkanı birləşdirməklə maraqlı və daha yaradıcı obraz yarada bilərsiniz. Belə gözlənilməz birləşmələr təəccüblü, eyni zamanda gözəl və ahəngdar bir görünüş yaratmağa kömək edir.