Ancelina Coli məşhur jurnala poza verdi - FOTO/VİDEO

Ancelina Coli “Vogue” jurnalının yeni sayının üz qabığının qəhrəmanı olub, eyni zamanda nəşrə müsahibə verib.

Publika.az xarici mətbuata istinadən xəbər verir ki, aktrisa müsahibəsində həm yeni açdığı atelye, həm uşaqları və moda barədə suallara cavab verib. Kino ulduzu jurnalın üz qabığı üçün "Atelier Jolie" studiyasında "Chloe" moda evinin keçmiş kreativ direktoru Qabriela Hirst ilə birlikdə yaratdığı yeni brendindən geyimlər geyinərək pozalar verib.

Aktrisa bildirib ki, böyük qızı 18 yaşlı Zahara yeni irimiqyaslı layihə üçün yer seçimində qərarın verilməsinə kömək edib. "Mən çox impulsiv ola bilərəm, amma Zahara bir o qədər qətiyyətli və düşüncəlidir. O, razılaşanda mən hiss etdim ki, ikimiz də eyni fikirdəyik", - Coli qeyd edib.

Ancelinanın sözlərinə görə, "Atelier Jolie" dizayn emalatxanası gələcəkdə böyük əməkdaşlıq məkanına və bir növ mədəniyyət mərkəzinə çevriləcək. Burada yerli sənətkarlar üçün qalereya və qaçqın təşkilatları ilə əməkdaşlıq edən kafe ilə tandemdə dərzilik və geyim emalı xidmətləri göstəriləcək.

"Bu illər ərzində mən çoxlu sənətkarlarla - çox bacarıqlı, istedadlı insanlarla tanış oldum və istərdim ki, onların sayı artsın. Mən böyük modelyer olmaq istəmirəm. Başqa insanların da modelyer ola biləcəyi ev tikmək istəyirəm", - Coli vurğulayıb.

Aktrisanın böyük uşaqları "Atelier Jolie"nin işində fəal kömək edirlər. Məsələn, gələcək yaradıcılıq məkanının loqosunu 19 yaşlı oğlu Parks boyayıb. Ancelina övladlarının hər hansı bir təşəbbüsü ilə fəxr edir və onların iştirakını yüksək qiymətləndirir, yeni işini isə ailə biznesi adlandırır.

"Ana olanda 26 yaşım var idi” deyir. Bütün həyatım dəyişdi. Uşaqların dünyaya gəlişi məni xilas etdi və bu dünyaya fərqli yanaşmağı öyrətdi. Düşünürəm ki, son vaxtlar onlar üçün yaşamaq istəməsəydim, daha qaranlıq bir yerə enəcəkdim", - Ancelina müsahibədə qeyd edib.

Bu gün zərif obrazların təcəssümü - Qvinet Peltrou və Olsen bacıları ilə birlikdə “səssiz lüksün” səfiri olan Coli əvvəllər ikinci əl geyimlərin satıldığı bit bazarlarını və döymələri çox sevdiyini etiraf edib. Məhz gəncliyindəki üsyankar dövr aktrisaya öz üslubunu tapmağa, minimalizmə və təmkinli olmağı öyrənməyə kömək edib.

"Gəncliyimdə olduqca qaranlıq idim. Mən pank idim, məşhur uşaq deyildim, alış-veriş edir, əşyaları kəsir, geyimlərdə siqaretlə kiçik dəliklər açırdım. Bu, mənim yeniyetmə illərimə aiddir və bunu başqa heç nəyə dəyişməzdim".

View this post on Instagram