Dəb

Diananın bu köynəyi hərraca çıxarılır: Fantastik qiymətə

27 Noyabr 2023 17:18

Şəhzadə Diananın 1981-ci ildə "Vogue" jurnalının çəkilişində geyindiyi kofta hərraca çıxarılıb. Fırfırlı yaxalı və ön tərəfdən büzməli olıan çəhrayı köynək Britaniyanın "Julien's Auctions" hərrac evi tərəfindən satışa çıxarılacaq.

Publika.az xəbər verir ki, təxmini qiyməti 80 min ilə 100 min dollar arasında olan libas, Diananın şahzadə Çarlzla toyunda geyindiyi məşhur gəlinlik kimi David və Elizabet Emanuel tərəfindən hazırlanıb.

Diananın 1981-ci ilin fevralında “Vogue” jurnalı çəkilişlərində geyindiyi şifon kofta onun “nişan paltarı” kimi məşhurlaşıb. Çünki fotoşəkillərin dərci onun Şahzadə Çarlzla nişanı elanı ilə eyni vaxta təsadüf edib.