Dəb

Aktrisanın geyimi gündəm oldu - FOTO

4 Dekabr 2023 16:06

Xəbər verdiyimiz kimi, dünən İstanbulda "Altın Kelebek" mükafatlarının təqdimetmə mərasimi baş tutub.

Publika.az xəbər verir ki, 49-cu dəfə keçirilən mərasimdə türkiyəli sənətçilər təmtəraqlı ziyafət obrazları ilə göz qamaşdırıblar. Artıq qırmızı xalı keçidlərində ulduzların çoxunun qara və ağ libaslara üstünlük verməsinə öyrəşmişik. Dünənki mərasim də istisna olmayıb.

Serenay Sarıkaya, Hafsanur Sancaktutan, İrem Derici, Ersa Erol, Afra Saraçoğlu, Melike Şahin, Simay Barlaş, Öznur Serçeler və başqaları qara rəngə üstünlük veriblər. Melis Sezenin dərin yarıqlı libası xüsusilə diqqət çəkib. O, obrazının seksuallığını qara qolfilərlə vurğulamağa çalışsa da, izləyicilər bu dəsti birmənalı qarşılamayıb.

Tədbirdə "Ulduzu parlayan" mükafatına layiq görülən Sıla Türkoğlu qızılı, "Ən yaxşı aktrisa" mükafatına layiq görülən Pınar Dəniz gümüşü geyimi ilə göz oxşayıb. Obrazını boz kürk ilə tamamlayan Pınar Dəniz zərif obrazı ilə yadda qalıb. Həmçinin gecənin aparıcısı olan model Çağla Şikel qara uzun ətəyini daşlı korsetlə tamamlayıb.

Xüsusi pəhriz sayəsində arıqladığını deyən Nebahet Çehrə isə gecənin gözlənilməz qonağı olub. O, gümüşü libası ilə yadda qalıb.