Slavyan gözəllərinin qış stili trend oldu - FOTO

2023-cü il pop mədəniyyətinin bütün üslubları ilə zəngin oldu, modapərəst qızlar əvvəlcə Barbi, sonra zəngin varislər (red. səssiz lüks), sonra rəqqasələr kimi geyinməyə başladılar. Ancaq il sonunda yeni bir estetika meydana çıxdı - və bu, bizə qismən yaxındır. Tik-Tok və digər sosial şəbəkələri zəbt edən Slavyan gözəllərinin kürk dəbi ilin əsas trendlərindən birinə çevrilib.

Publika.az xəbər verir ki, slavyan üslubunda əsas rolu uzun xəz və kürk paltolar oynayır.

Slavyan qız stili nə deməkdir?

Slavyan qız estetikası sözün əsl mənasında slavyan qızının üslubudur. Tüklü xəz paltolar qızların istək obyektinə çevrilib və Qərb influenserləri də özlərini sərt hava şəraitində yaşayan slavyan qadınlarına bənzətməkdən böyük zövq alırlar. Bu moda cərəyanındakı böyük bir üstünlük var: xəz paltolar istənilən üslubda, rəngdə və dizaynda ola bilər. Həm qısa, həm də uzun modellər eyni dərəcədə dəbdədir. Şaxtalı havalarda uzun xəz paltolara üstünlük vermək daha yaxşıdır. Ancaq unutmayın ki, midi uzunluq vizual olaraq bədən proporsiyalarını yaxşı göstərməyə bilər.

Bu görünüşün iki vacib elementi var: xəz palto və tüklü xəz papaq. İstəyə bağlı olaraq qızıl zinət əşyaları, bahalı dizayner çantaları və brend loqotipləri olan gün eynəklərini də əlavə etmək olar. Bu üslub postsovet məkanından olan insanlarda "Taleyin ironiyası, ya da həmişə təmizlikdə" yeni il kult filmindəki Nadya rolunu oynayan Barbara Brılska ilə assosiasiya olunur. Aktrisanın filmdə taxdığı və sovet dövründə "boyarka" adlanan tüklü dəyirmi papaqlar ekran işinin sayəsində daha da populyarlaşdı. Düzdür, film qəhrəmanı müasir slavyan qızlarından daha təvazökar görünür. Ümumiyyətlə, bu üslub Şərqi Avropadakı varlı qadınların 2000-ci illərdə geyinmə tərzindən ilhamlanıb. Statusun əsas göstəriciləri gözə çarpan zinət əşyaları, bahalı çantalar və əlbəttə ki, xəz idi. Buna görə də, slavyan qızının estetik üslubu da Y2K trendindən, yəni 2000-ci illərin üslubundan ilhamlanır. Burda "səssiz lüks" yoxdur və bu onun tam əksidir.

Müasir dövrün ruhu tendensiyaya təsirsiz ötüşməyib. Dəbdəbəli samur və norka papaqları eko-xəzdən hazırlanmış xəz paltolar əvəz edir. Slavyan tərzi bizim üçün də sensasion yenilik deyil, analarımızın gənclik və tələbəlik fotolara baxsaq, bu geyim mədəniyyəti nümunələrinə rast gələ bilərik. Odur ki, analarından və nənələrindən xəz palto və xəz papaqları miras alan qızlar xüsusilə şanslıdırlar. Makiyaj da trendin mühüm bir hissəsidir. Slavyan qızları əsasən şəffaf dodaq parıldadıcısı və çəhrayı ənlik ilə tamamlanan "makiyajsız makiyaj" tendensiyasına əməl edirlər. Məsələ ondadır ki, elə görünməlisiniz ki, sanki bu dəqiqə qarlı havadan isti yerə daxil olduğunuz üçün yanaqlarınız qızarıb.

Daha müasir görünüş yaratmaq üçün tüklü papağı dəbli trikotaj baş bandanası ilə əvəz edə bilərsiniz. Məşhur estetika sayəsində varejkalar da (barmaqsız əlcək) dəbə qayıdıb. Böyük toxunma və ya tüklü modelləri aktualdır, nə qədər çox nəzərə çarpsa, bir o qədər yaxşıdır. Onlarda əllərinizi narahat hiss edirsinizsə, əlcəklər də uyğundur və təkcə tüklü trikotajlar deyil, həm də dəri modelləri.