Moda tənqidçisi Əjdaha ilinin trendlərindən xəbər verdi

2024-cü ildə yaşıl rəng trenddə olacaq.

Publika.az xəbər verir ki, bu barədə moda tarixçisi və teleaparıcı Aleksandr Vasiliev "StarHit"ə verdiyi müsahibədə deyib.

"Qarşıdan gələn Əjdaha ilində yaşıl rəng xüsusilə populyarlaşacaq ki, bu da artıq brendlərin yeni kolleksiyalarında öz yerini tapıb. Yaşıl geyim alarkən diqqətli olmaq lazımdır, çünki o, dəri tonunu poza bilər. Lakin qəhvəyi və yaşıl gözlü insanlar, eyni zamanda qəhvəyi və qırmızı saçlıları heç bir təhlükə gözləmir" - Vasilyev aydınlıq gətirib.

Ekspert əlavə edib ki, Əjdaha ilində ərik və şaftalı çalarları da dəbdə olacaq və bu rənglər zərif cinsin nümayəndələrinə çox yaraşacaq. Moda tarixçisi əvvəlcə imicinizə bu çalarlarda aksesuarlar daxil etməyi məsləhət görüb. Bundan əlavə, teleaparıcı qeyd edib ki, modapərəstlər ağ rəngə və onun çalarlarına da diqqət yetirməlidirlər.

"Lakin klassik ağdan əlavə, gözəlliyinizi ən yaxşı şəkildə vurğulayacaq çalarları seçmək vacibdir. Məsələn, ekru və ya bişmiş süd", - "Moda hökmü" verilişinin keçmiş aparıcısı yekunda qeyd edib.