Bu iki rəng yazda hamıya dəbli obraz şansı yaradacaq - FOTO

Çox vaxt podiumlarda görünən dəbli rəng birləşmələrindən ilhamlanırıq. Ancaq sosial şəbəkələrdə yaranan seçimlər də kifayət qədər uğurludur.

Publika.az xəbər verir ki, bir neçə aydır influenserlərin çoxu qırmızı ilə bozun birləşməsini təbliğ edirlər. Belə bir aktual trend qırmızı və boz geyimlər üzərində qurulsa da, dəstə mavi, tünd göy və qara kimi rənglər də əlavə etmək olar. Stilistlər hesab edir ki, həqiqətən dəbli görünmək istəyirsinizsə, aldığınız geyimlərin rənglərinə də diqqət etmək lazımdır. Tünd qırmızı, albalı, qırmızı, qrafit və asfalt rənglərini seçmək xüsusilə tövsiyə olunur. Qırmızının daha isti alt tonları uyğun gəlmir.

Əhəmiyyətli bir nüansı unutmamalısınız, trend obrazın çox hissəsini boz rəng təşkil edir. Qırmızı isə burada parlaq vurğu kimi çıxış edir. Odur ki, belə bir obraz yaratmaq üçün sizə ya tünd qırmızı çanta, ya da ayaqqabı və əlcəklər lazım olacaq. Ancaq sviter, ya vodolazkanız qırmızı rəngdə olmalıdır. Əks halda, obraz o qədər də ahəngdar olmayacaq. Lazımsız detalları olmayan qırmızı məhsullara üstünlük vermək yaxşıdır. Diqqət ilin dəbli rəngində olmalıdır, hansısa dekor və motivlərdə deyil.

Boz geyimləriniz hər hansı ola bilər, şalvar, jaket, palto, gödəkçə və ya ətək. Eyni rəngli modellərdən ümumi görünüş yarada, həmçinin çalarlarla oynaya, yaxud qrafit və asfalt tonları ilə oynaya bilərsiniz. Burada minimalist naxışlar və motivlər məqbuldur: nazik zolaqlar və ya kiçik damalar.