Hər geyimə yaraşan 4 pencək modeli - Standartları unudun

Pencək almaq istədikdə ağlımıza dərhal universal qara və ya qəhvəyi modellər gəlir. Ancaq etiraf edək ki, qışın tünd və qaranlıq tonlardan hamımız yorulmuşuq. Əlvan rənglər isə funksional görünmür. Əgər hər şeylə uyğunlaşdıra biləcəyiniz pencək axtarırsınızsa, sizə bej və açıq tonları sınaqdan keçirməyi tövsiyə edirik. Üstəlik, onun sayəsində çox tərz obraz yarada biləcəksiniz.

Publika.az xəbər verir ki, açıq rəngli pencəklər yaz-yay trendləri siyahısına daxildir.

Ağ

Ən asan həll ağ pencəklərdir. Bununla belə krem və ya fil sümüyü çalarları həmişə yaxşı görünmür. Odur ki, ağappaq və ya boz alt tonlu məhsullara diqqət yetirmək yaxşıdır. Açıq çalarlar bədəni vizual olaraq geniş göstərir, odur ki, modelin düz və çiyinliklərsiz olması tövsiyə olunur.

Ən açıq çəhrayı

Pastel rəngli pencəklər arasından təravətləndirici açıq çəhrayını seçmək yaxşıdır. Səma, bənövşəyi və ya püstə çalarları oxşar rəng sxeminə görə cinslərlə hər zaman ahəng təşkil edə bilmir. Limon sarısı isə üzün rənginə əlavə kölgə sala bilər. Ancaq zərif konfet rəngi istənilən şalvar və ətəklərlə uyğunlaşacaq. "Chane"dən ilhamlanaraq tvid və kətan modellərə nəzər salın. Yeri gəlmişkən, kətan isti havalar üçün ən mükəmməl seçimdir.

Bozumtul tonlar

Açıq boz artıq ikinci ildir ki, bütün moda rekordlarını qırır və oxşar rəng sxemində bir pencək qarderobunuzun universal bazasına çevriləcək. Bu palitra sıx materialları "sevir". Odur ki, üstünlüyü görüntünü sadələşdirə bilən atlaz və ya kətana deyil, cins, kostyum parçasına və ya tvidə verin.

Şərab çalarları

Qarderobunuzu tünd pencəksiz təsəvvür edə bilmirsiniz? Bu o deməkdir ki, bu yaz və yay şərab rəngli pencəyə ehtiyacınız var. Birincisi, bu çalar 2024-cü ilin ən dəbli rəngi hesab olunur. İkincisi, sübut edilmiş qaradan daha az funksional deyil. Ancaq unutmayın ki, belə bir geyim açıq rəngli qarderob elementlərini tələb edir - məsələn, ağ ətək, qalstuklu bir bluz və ya nazik uzunqol trikotaj.