Belə etsəniz, xanımlar sizi rədd etməyəcək: Bloqerdən qısaboy kişilərə məsləhət

Bloqer və dizayner Artyom Lebedev qısaboylu kişilərə iki məsləhət verib.

Publika.az xəbər verir ki, o, bu məsləhəti "VKontakte" sosial şəbəkəsindəki "Otvetoshnaya" şousunda verib.

Lebedev kişiləri xüsusi ayaqqabı geyinməyə çağırıb.

Bloqerlə əlaqə saxlayan abunəçi şikayət edib. Deyib ki, boyu 155 santimetr olduğuna görə, normal münasibətlər qurmaqda problem yaşayır. O, qısaboy olduğunu əsas gətirərək qadınların onu romantik münasibətlərə görə rədd etdiyini iddia edib. Həmin şəxs altı ildir subay olduğunu da etiraf edib.

"Ən sadə həll yolu platforma ayaqqabı almaqdır. Əgər siz ən azı beş santimetrlik platforma ayaqqabı alsanız, 160 santimetr hündürlükdə olacaqsınız və bu, o qədər də qorxulu deyil", - abunəçisinin vəziyyətini çətin adlandıran bloqqer məsləhət verib.

Dizayner həmçinin gənci elə maraqlı insan olmağa çağırıb ki, boyu və digər fiziki xüsusiyyətlərindən asılı olmayaraq insanlar onunla danışmaq istəsinlər.

"Əgər siz gitara ilə parlaq oxuyursunuzsa və ya masa arxasında ustalıqla zarafatlar edirsinizsə və ya əvəzolunmaz mütəxəssissinizsə, mütləq münasibətlərdə probleminiz olmayacaq", - deyə Lebedev yekunlaşdırıb.

Adəm