Dünya

Sankt-Peterburqda qafqazlılarla polis arasında atışma olub

7 Oktyabr 2015 03:31

Sankt-Peterburqdakı “Landorff Hotel” mehmanxanasında şəhərin Qafqaz mənşəli sakinləri ilə polislər arasında atışma olub.

Publika.az “Fontanka.ru” internet nəşrinə istinadən xəbər verir ki, yerli sakinlər mehmanxanada atışma barəsində polisə xəbər veriblər. Hadisə yerinə təxminən 20-yə qədər təhlükəsizlik əməkdaşı gəlib. İlkin məlumatlara görə, etnik cinayətkar qruplaşma ilə ilk toqquşma mehmanxananın barında olub. Qafqazlılar taxta ilə polisləri vurublar. Daha sonra onlardan biri travmatik tapança ilə cinayət axtarış şöbəsinin 30 yaşlı tədqiqatçısı İslam Xamerzayevə atəş açıb.

Qafqazlılar hadisə yerindən qaçmağa nail olsalar da iki nəfər saxlanılıb. Ağır yaralanan tədqiqatçı isə xəstəxanadadır. Hadisə yerindən travmatik tapança, səkkiz patron, on giliz və rezin dəyənək götürülüb.

Qaçan digər şəxslərin axtarışı davam edir.

Ömər Dağlı