• USD 1,7000 0,00% EUR 2,0272 +0,13%
    • GBP 2,2760 +0,20% RUB 0,0225 0,00%

Ərdoğan yunan baş nazirə qalstuk hədiyyə etdi – FOTO

  • Dünya
  • 20 Noyabr 2015 10:08
  • 828 Baxış
Ərdoğan yunan baş nazirə qalstuk hədiyyə etdi – FOTO

Türkiyə prezidenti Rəcab Tayyib Ərdoğan Ankarada səfərdə olan Yunanıstanın baş naziri Aleksis Siprasa qalstuk hədiyyə edib.

Publika.az-ın xarici mediaya istinadən verdiyi məlumata görə, Yunanıstanın baş naziri ötən gün Ankarada Türkiyə prezidenti və baş nazir Əhməd Davudoğlu ilə bir sıra görüşlər keçirib. Görüş zamanı Ərdoğan yunan baş nazirə qalstuk bağışlayıb.

Yunan mediası isə Ərdoğanın bu hədiyyəsini birmənalı qarşılamayıb. Yunanıstan mətbuatı yazır ki, prezident R.T.Ərdoğan baş nazir A.Siprasa qalstuk hədiyyə etməklə, əslində yaxın vaxtlarda Kipr problemini birgə danışıqlar yolu ilə həll etmək diplomatiyasını ortaya qoyub.

Baş nazir isə zarafatla Ərdoğana cavabında bildirib ki, bu yaxınlarda Avropa Komissiyasının sədri Jan-Klod Yunker də Yunanıstanda böhran aradan qalxandan sonra ona qalstuk hədiyyə edəcəyini söz verib.

Xatırladaq ki, Yunanıstanın baş naziri Aleksis Sipras əksər vaxtlarda qalstuksuz rəsmi görüşlər keçirməyi ilə tanınır. Bu ilin əvvəlində İtaliyanın baş naziri Matteo Renzi də Aleksis Siprasa qalstuk hədiyyə etmişdi.

Vasif Həsənli

Halal Nemət

Xəbər lenti

DAHA ÇOX XƏBƏR