• USD 1,7000 0,00% EUR 1,8828 +0,13%
    • GBP 2,2019 +0,23% RUB 0,0266 -0,38%

İnterpol Nemtsovun qətlində təqsirli bilinən çeçeni axtarır

  • Dünya
  • 27 Fevral 2016 13:28
  • 529 Baxış
İnterpol Nemtsovun qətlində təqsirli bilinən çeçeni axtarır

İnterpol Rusiyanın aparıcı müxalifət liderlərindən olmuş Boris Nemtsovun qətlində təqsirli bilinən Ruslan Muxudinovun axtarışına başlayıb.

Trend İnrerfaks-a istinadən xəbər verir ki, bunu Nemtsov ailəsinin vəkili Vadim Proxorov bildirib.

Onun sözlərinə görə, çeçen əsilli R.Muxudinovun axtarışı ilə həm İnterpolun Rusiya bürosu, həm də təşkilatın Lion şəhərində yerləşən baş katibliyi məşğuldur.

Xatırladaq ki, Moskvanın Basman məhkəməsi 3 ay əvvəl R.Muxudinova qarşı qiyabi olaraq B.Nemtsovun qətlinin təşkili ittihamını irəli sürüb və barəsində federal axtarış elan edib.

Müxalif siyasətçi B.Nemtsov 2015-ci il fevralın 27-də Moskvada Kreml yaxınlığındakı Böyük Moskvaretsk körpüsünün üstündə qətlə yetirilib. Polisin məlumatına görə, naməlum şəxs avtomobildən müxalifətçinin kürəyinə dörd dəfə atəş açıb.

Fakt üzrə Rusiya CM-in 105 (qətl) və 222-ci (qanunsuz silah dövriyyəsi) maddələri üzrə cinayət işi qaldırılıb.

Xəbər lenti

DAHA ÇOX XƏBƏR