Dünya
Türkiyəyə yeni erməni köçü başladı - Yeniləndi - Video
18 erməni mənşəli suriyalı Türkiyəyə sığındı
Suriyanın Laziqiyyə şəhərinə bağlı Keseb qəsəbəsi və ətrafında idarəni ələ keçirən müxaliflər, Türkiyəyə sığınmaq istəyən erməni mənşəli 18 suriyalını Türk səlahiyyətlilərə təslim etdi.
Əsəd rejiminə bağlı birliklərlə müxaliflər arasında, Keseb qəsəbəsi və ətrafındakı qarşıdurmalar təxminən 12 gündür davam edir.
Mikroavtobusla mahal mərkəzinə gətirilən erməni mənşəli suriyalılar, müəllim evində qonaq edildi. Yayladağı Baş məmuru Turan Yılmaz, "Sizləri burada qəbul etməkdən çox məmnunuq. Ölkəmizin qapısı, zərər çəkmiş olan hər kəsə açıqdır "dedi.
04-05 11:55:20
Əhalisinin əksəriyyətini ermənilər təşkil edən Suriyanın Keseb qəsəbəsində ermənilərin öldürüldüyü ilə bağlı iddialar son günlər dünyanın gündəm mövzularından birinə çevrilib.
Publika.Az – ın verdiy xəbərə görə, qəsəbədən qaçaraq Türkiyəyə sığınan iki yaşlı erməni qadın oradakı vəziyyətlə bağlı “Aqos” qəzetinə danışıb. Onlar hazırda Türkiyənin Hatay vilayətindədir.
Əhalisinin üçdə ikisini ermənilər təşkil edən qəsəbə hazırda müxalifətin əlindədir. Erməni diasporu başda olmaqla bəzi beynəlxalq güclər Türkiyənin ermənilərə qarşı hücumlarda barmağının olduğunu iddia edir. Türkiyəyə sığınan bu ermənilər səslənən iddilara cavab olaraq “elə olsaydı, Türkiyə hökuməti bizlərə niyə sahib çıxsın?” deyir.
Onlar Kesebdəki hücumların məhz ermənilərə qarşı olmadığını, bütün Suriya əhalisinin olduğu kimi onların da vətəndaş müharibəsindən zərər şəkdiyini deyir.
O halda bu iddialar necə ortaya çıxır? “Hürriyyət” yazır ki, Suriya dövlət başçısı Bəşər Əsəd beynəlxalq cəmiyyətin dəstəyini almaq üçün bu günə qədər terror kartından istifadə etdi. Qəzet rejimin indi də erməni kartından istifadə etdiyini deyir?
“Əsəd 20 Yanvarda AFP-yə verdiyi müsahibədə “Suriyadakı terror vəhşiliyi osmanlıların 1,5 milyon ermənini öldürdüyü qırğınları xatırladır” deyərkən də bunun siqnalını vermişdi. Ermənistan prezidenti Serj Sarkisyan ötən həftə Əsədə məktub yazaraq erməni əhalisini qoruduğu üçün təşəkkür etdi. O, Avropa ölkələrindən də Türkiyəyə təzyiq edilməsini istədi. Amma qırğından qaçan ermənilər indi Türkiyədədir. Hər şeydən əhəmiyyətli olan irq və din fərqliliyinə baxmayaraq, Kesebdə zərər çəkmiş olan hər kəsə Türkiyənin qapılarını açmasıdır”.
Türkiyəyə sığınan 82 və 84 yaşındakı Satenik və Sirpuhi Titizyan baçıları qəsəbə əhalisinin Lazikiye və Tartus kimi şəhərlərə qaçmaq məcburiyyətində qaldığını bildirir. “Saqqallı adamlar evimizə gəldi. 10 nəfər idi. Silahımısın olub-olmadığını soruşdular. “Nə oğlumuz, nə də ərimiz var, silah nəyimizə lazımdır” dedik. Çıxıb getdilər”, - erməni qadınlardan biri söyləyib.
Ömər Dağlı
-
Kriminal7 May 23:48
Bakıda kişi sevgilisinə “mənim olmalısan” deyib QANINI TÖKDÜ
-
İKT7 May 23:24
İki qurum əhaliyə XƏBƏRDARLIQ ETDİ - FOTO
-
Magazin17 May 23:07
“Avroviziya-2024”ün birinci yarımfinalı başladı - CANLI
-
Cənubi Qafqaz7 May 22:52
Ermənistanda əsgər GÜLLƏLƏNDİ
-
Magazin27 May 22:24
İki qızdan biri indi çox məşhurdur - 40 ildən sonra eyni pozada FOTO
-
Magazin17 May 21:48
Ağakərimin son vəziyyəti AÇIQLANDI - FOTO
-
Nida Xəbər 7 May 20:24
Vəzifədən azad edilən eks-baş nazir DANIŞDI: "Adamı əsəbiləşdirirlər"
-
Sosial7 May 19:48
Azərbaycanda faciəvi şəkildə ölən prokurorun FOTOSU