Dünya

Rusiya “əsrin nəhəngini” Əsədə görə işə salır – FOTOLAR

22 Sentyabr 2016 10:09

Rusiya göyərtəsində təyyarə daşıyan “Amiral Kuznetsov” nəhəng hərbi gəmisini Aralıq dənizinə göndərəcək.

Publika.az xarici mediaya istinadən xəbər verir ki, bunu Rusiyanın müdafiə naziri Sergey Şoyqu bəyan edib.

Nazirin sözlərinə görə, hazırda Rusiyanın Aralıq dənizində 6 hərbi və 4 köməkçi gəmiləri üzür.

Sergey Şoyqu deyib ki, Rusiya Aralıq dənizində hərbi gücünü artırmağı düşünür: “Bunun üçün də biz “Amiral Kuznetsov” gəmisini Aralıq dənizinə göndərəcəyik. Bu gəmi bizə Suriyada terrorçulara qarşı mübarizə üçün də yardım göstərəcək”

Qeyd edək ki, Qərb mediası Rusiyanın bu addımı Suriyada Bəşər Əsədi qorumaq üçün atdığını iddia edir.

Xatırladaq ki, keçmiş SSRİ-də nəhəng hərbin gəmi hesab olunan “Amiral Kuznetsov” 1991-ci ildə modernləşdirilərək Rusiya hərbi donanmasının arsenalına verilib. Hətta, SSRİ dövründə bu gəmi “əsrin nəhəngi” adlandırılıb.

Vasif Həsənli