Dünya

İŞİD dirçəldi: Yeni işğal dalğası gəlir

11 İyul 2017 16:09

Əlindəki ən böyük şəhəri - Mosulu itirən İŞİD qarşılığında şəhərin cənubundakı bir kəndi işğal etdi.

Publika.az “Routers” xəbər agentliyinə istinadən xəbər verir ki, terror təşkilatı hücum zamanı pulemyot və toplardan istifadə edib.

Agentliyin İraq ordu qaynaqları və yerli sakinlərindən aldığı məlumatda bildirilir ki, Mosulun cənubundakı İmam Qərib kəndini işğal edən İŞİD partizan taktikasından istifadə edib.

ABŞ general-leytenantı Stepen Tovnsend İŞİD üzərində tarixi zəfərin qazanılmasına baxmayaraq, terror təşkilatının yenidən dirçəlmə ehtimalını istisna etməyib.

O, bildirib ki, İŞİD-in bir daha meydana çıxmaması üçün İraqın şiə hökuməti sünnilərə əl uzatmalıdır:

“İraq hökuməti fərqli və məntiqli işlər görmək məcburiyyətindədir. Şiə hökuməti sünni tayfa ilə barışmalı və Bağdadın rəhbərliyi altında birlikdə savaşmalıdırlar.”

Zümrüd