• USD 1,7000 0,00% EUR 2,0014 -0,31%
    • GBP 2,3463 -0,22% RUB 0,0234 -0,43%

Saakaşvili Moskvaya qalib gəldi

  • Dünya
  • 4 İyul 2014 19:16
  • 1 585 Baxış
Saakaşvili Moskvaya qalib gəldi

Avropa Məhkəməsi Rusiya Federasiyası tərəfindən Gürcüstan vətəndaşlarının hüquqlarının pozulduğunu təsdiqləyən qərar verib.

Publika.az-ın gürcü mediasına istinadən verdiyi məlumata görə, Rusiya Gürcüstana kompensasiya ödəməlidir.

Yeddi il əvvəl Gürcüstanın sabiq prezidenti Mixail Saakaşvili tərəfindən irəli sürülən iddiada rəsmi Moskva gürcü vətəndaşlarını 2006-cı ildə Rusiya ərazisindən deportasiya etməkdə ittiham olunurdu. “Kütləvi deportasiya zamanı alçaldılan bütün gürcüləri təbrik edirəm. Biz udduq!”, - Gürcüstanın ədliyyə naziri Teya Sulukiani bildirib.

Ədliyyə nazirinin sözlərinə görə, məhkəmə həmçinin Rusiyada həbs edilmiş gürcülərin vətənə deportasiyadan olunmamışdan əvvəl qeyri-insani şəraitdə saxlanıldığını müəyyənləşdirib.

Avropa Məhkəməsində iddia ilə bağlı dinləmələr 2011-ci ilin əvvəlində başlamışdı. İş üzrə son iclas 13 iyun 2012-ci ildə olub. Hökm həmin vaxt verilsə də, o ictimaiyyət üçün məxfi saxlanılırdı.

Məhkəmənin qərarına görə, Moskva zərər çəkənlərə, eyni zamanda, yük təyyarələri ilə deportasiya zamanı ölənlərin ailələrinə kompensasiya ödəməli olacaq.

Ömər Dağlı

Halal Nemət

Xəbər lenti

DAHA ÇOX XƏBƏR