Dünya

Conson Rusiya helikopterinə minməkdən İMTİNA ETDİ

24 Aprel 2022 13:15

Böyük Britaniyanın Baş naziri Boris Conson Hindistana səfəri zamanı Rusiya istehsalı olan helikopterə minməkdən imtina edib.

Publika.az xəbər verir ki, bu barədə "Times India" məlumat yayıb.

Nəşrin yazdığına görə, səfərdən 3 gün əvvəl Britaniyadan Hindistana gələn xüsusi qrup Boris Consonun minəcəyi Rusiya istehsalı olan Mi-19 helikopterinin ABŞ istehsalı "Chinook"la əvəzlənməsini tələb edib.

Məlumata görə, Hindistanın Baş naziri Narendra Modi hökumətinin sağçı "Bharatiya Janata" Partiyasının (BJP) nəzarətində olan əyalətdə səlahiyyətlilər Hindistan Hərbi Hava Qüvvələrinin Çandiqarh şəhərindəki bazasından tələb olunan helikopteri gətiriblər.

Conson və Modi görüşündə iştirak edən və şəxsiyyəti açıqlanmayan protokol rəsmilərinin açıqlamalarına əsasən, helikopter Consonun ölkəyə gəlməsindən bir gün əvvəl, çərşənbə günü Çandiqarha gətirilib.