Dünya

Nazirlər mübahisə etdilər: Biri deyir olar, biri deyir...

24 Yanvar 2023 15:10

Finlandiyanın müdafiə naziri Mikko Savola Finlandiyanın İsveç olmadan NATO-ya üzv ola biləcəyini deyən xarici işlər naziri Pekka Haavisto ilə razılaşmır.

Publika.az xəbər verir ki, müdafiə nazirliyinin rəhbəri Helsinki və Stokholmun eyni vaxtda alyansa qoşulmaq üçün müraciət etdiyini xatırladaraq, həmkarlarını “təmkinli olmağa” çağırıb.

"Biz İsveçlə eyni vaxtda NATO-ya üzv olmaq üçün müraciət etmişik. Finlandiya, İsveç və NATO-nun maraqları naminə birlikdə hərəkət edək”, - Savola sosial şəbəkə hesabında yazıb.

İsveçlə Türkiyə arasında münasibətlər sağçı siyasətçisi Rasmus Palidanın Türkiyənin Stokholmdakı səfirliyi qarşısında Quranı açıq şəkildə yandırmasından sonra pisləşib.

Buna cavab olaraq Türkiyə prezidenti Rəcəb Tayyib Ərdoğan bildirib ki, Ankara İsveçin NATO-ya daxil olmasını dəstəkləməyəcək.

Aydan