Tayvan və Çin arasında yeni böhran

Tayvan Müdafiə Nazirliyi bildirib ki, dünən axşamdan bu gün səhərə qədər adanın ətrafında Çinə məxsus 29 hərbi təyyarə və 4 döyüş gəmisi aşkar edilib.

Publika.az xəbər verir ki, nazirliyin açıqlamasına görə, 29 təyyarədən 21-i Tayvanın “Hava Hücumundan Müdafiə Təsnifat Zonası” (ADIZ) elan etdiyi əraziyə daxil olub. ADIZ-in cənub-qərb hissəsinə 17 “J-10” və 4 “J-16” qırıcısı uçub.

Adanın ətrafında aşkar edilən təyyarə və gəmilərin elektron izləmə cihazları, patrul təyyarələri, gəmilər və yerüstü raket sistemləri ilə izləndiyi bildirilib.

Uçuşlar və gəmi patrulları ABŞ-ın dövlət katibi Entoni Blinkenin Tayvanın Çinin daxili işi olmadığını və buradakı münaqişənin bütün dünyaya təsir edəcəyi ilə bağlı açıqlamalarından sonra yaranıb.

Ukrayna Müharibəsinin ildönümü ilə bağlı “The Atlantic” jurnalına müsahibə verən Blinken, “Çinin təcavüzü səbəbindən Tayvanda böhran baş verərsə, bunun dünya iqtisadiyyatı və digər ölkələr üçün nəticələri fəlakətli olacaq” deyib.

Aydan