Məşhurlar Ərdoğanı belə təbrik edir: Ömrümdən 40 il sənin olsun, rəis

Türkiyəli məşhurlar da Ərdoğanın qələbəsinə sevinib.

Publika.az "Sabah" qəzetinə istinadən xəbər verir ki, Türkiyədə mayın 28-də keçirilən prezident seçkilərinin ikinci turunun nəticələri ölkənin bir çox məşhurlarına böyük sevinc bəxş edib. Onlar Rəcəb Tayyib Ərdoğanın yenidən prezident seçilməsini səmimi duyğularla qarşılayıblar.

Sözügedən şəxslər qələbə təbriklərini şəxsi sosial şəbəkə hesablarındakı paylaşımları vasitəsilə çatdırıblar.

Həmin paylaşımlardan bir neçəsini təqdim edirik:

Sabiq futbolçu Məsut Özil İnstaqram hesabından paylaşdığı bu şəklin altına "HƏMD OLSUN" yazıb.

Məşhur müğənni Alişan Ərdoğanla şəklini paylaşaraq, "Yenə qalib gəldik. Cənab prezident, sizinlə fəxr edirik. Türkiyəmiz üçün xeyirli və uğurlu olsun" kimi sözlərdən istifadə edib.

Məşhur müğənni Orxan Gəncəbayın həyat yoldaşı Sevim Əmrə isə "Sizi ürəkdən təbrik edirəm. Sadiq və mərhəmətli prezidentim. Türkiyə qalib gəldi. Sizi qorumaq Türkiyəni qorumaqdır. Hər zaman var olun. Allah sizi qorusun" deyib.