İsrail aviaşirkəti faciəvi təyyarə qəzasına görə Rusiya ilə bağlı QƏRAR VERDİ

İsrailin "El Al" aviaşirkəti "Azərbaycan Hava Yolları"na məxsus J2-8243 nömrəli Bakı-Qroznı reysini yerinə yetirən "Embraer 190" təyyarəsinin Qazaxıstanın Aktau şəhərində qəzaya uğraması səbəbindən Təl-Əvivdən Moskvaya uçuşları müvəqqəti dayandırıb.

Publika.az xəbər verir ki, bu barədə şirkətin mətbuat xidməti "Kanal 9"a məlumat verib .

“Rusiya hava məkanında baş verən hadisələrlə əlaqədar olaraq, “El Al” aviaşirkəti gələn həftə Təl-Əviv-Moskva marşrutu üzrə bütün uçuşları dayandırır”, - bəyanatda deyilir.

Şirkətdən vurğulanıb ki, onlar vəziyyəti 7 gün ərzində yenidən qiymətləndirəcəklər, bundan sonra hava səfərlərinin bərpası ilə bağlı qərar qəbul edəcəklər.

Xatırladaq ki, dekabrın 25-də Bakıdan Qroznıya uçan AZAL-a məxsus “Embraer” təyyarəsi Qazaxıstanın Aktau şəhəri yaxınlığında qəzaya uğrayıb. Təyyarənin göyərtəsində 62 sərnişin, o cümlədən 37 Azərbaycan, 16 Rusiya, 6 Qazaxıstan və 3 Qırğızıstan vətəndaşı, həmçinin 5 ekipaj üzvü olub. İnsident nəticəsində 38 sərnişin ölüb, 3-ü uşaq olmaqla 29 nəfər sağ qalıb.

Prezident İlham Əliyevin sərəncamına əsasən, təyyarə qəzasında həlak olanların xatirəsinə 2024-cü il dekabrın 26-da Azərbaycanda matəm elan edilib.

Hüseyn İbadlı