Tramp özünü Mona Liza ilə müqayisə etdi

ABŞ-ın keçmiş prezidenti Donald Tramp populyarlığından danışarkən özünü Leonardo da Vinçinin məşhur Mona Liza tablosu ilə müqayisə edib.

Publika.az xəbər verir ki, Amerikanın keçmiş lideri bu "qeyri-adi bəyanatı" Uels telekanalı S4C-yə müsahibəsində verib.

Tramp özünü Mona Liza ilə müqayisə edib. O bildirib ki, çıxışlarına çox insanın baxması onun qeyri-adi və maraqlı insan olması ilə əlaqədardır.

“Məsələn, Mona Lizanı görmək üçün dəfələrlə gedib baxanlar var və hər dəfə onu gördükcə, özlərini yaxşı hiss edirlər”-Tramp deyib.

Tramp, həmçinin pərəstişkarlarını 20-ci Broadvay şousuna gedən teatrsevərlərə və eyni mahnıları saatlarla dinləyən rok qrupunun pərəstişkarlarına bənzədib. Tramp, görüşlərinə gələn ən sadiq pərəstişkarlarını tanımağa başladığını da bildirib. Siyasətçi iddia edir ki, tərəfdarları onun dediklərinə sadəcə aşiqdirlər.

Donald Tramp pərəstişkarları haqqında sənədli filmin çəkilməsinə kömək etmək üçün uelsli jurnalist Maksin Hyuzla görüşməyə razılaşıb.

Aydan